"Gənclik və Maarifçilik" İctimai Birliyi tərəfindən Azərbaycan Respublikasının Prezidenti yanında Qeyri-Hökumət Təşkilatlarına Dövlət Dəstəyi Şurasının 2018-ci ilin 1-ci qrant müsabiqəsinin qalibi olmuş “Biomüxtəliflik haqqında kitabın nəşri” layihəsi üzrə müvafiq kitab çapa hazırlanıb.

“Biomüxtəliflik haqqında populyar dildə” adlı kitaba Azərbaycan Milli Elmlər Akademiyası (AMEA) Botanika İnstitutunun direktoru, akademik Validə Əlizadə rəy və “Ön söz” yazıb.

AMEA-dan AZƏRTAC-a bildirilib ki, V.Əlizadə rəyində kitabı dünya şöhrətli alim, ölkəmizdə biologiya və kənd təsərrüfatı elmlərinin bioloji müxtəlifliyə aid bütün sahələrinin istiqamətləndirilməsində müstəsna rol oynamış akademik Cəlal Əliyevin xatirəsinə dəyərli töhfə kimi dəyərləndirib.

Nəşrin müəllifləri AMEA-nın müxbir üzvü Zeynal Əkpərov, aqrar elmlər üzrə fəlsəfə doktoru Afiq Məmmədov və biologiya üzrə fəlsəfə doktoru Vaqif Əmikişiyevdir.

© https://azertag.az/xeber/1199909