26 iyul 2017-ci il tarixində Qazaxıstanın Astana şəhərində "EXPO-2017 − Gələcəyin enerjisi" adlı beynəlxalq sərgi keçiriləcək.
Azərbaycan Milli Elmlər Akademiyası sərgi çərçivəsində "Energy, Life, Science" mövzusunda konfrans təşkil edəcək.
Konfransda AMEA-nın vitse-prezidenti, Neft və Qaz İnstitutunun direktoru, akademik İbrahim Quliyev "Xəzər dənizində qaz hidratları", Fizika-Riyaziyyat və Texnika Elmləri Bölməsinin akademik-katibi, Fizika İnstitutunun direktoru, akademik Nazim Məmmədov "Nazik təbəqəli günəş elementləri" və Neft-Kimya Prosesləri İnstitutunun direktoru, akademik Vaqif Abbasov "Təbii katalizatorlardan istifadə etməklə bitki ehtiyatlarından biomotor yanacaqlarının və onlardan komponentlərin alınması" adlı məruzələrlə çıxış edəcəklər.