Azərbaycan Milli Elmlər Akademiyası (AMEA) və Bolqarıstan Elmlər Akademiyası (BEA) arasında imzalanmış Əməkdaşlıq Müqaviləsi üzrə Müştərək Proqram çərçivəsində AMEA elmi müəssisələrinin əməkdaşlarının 2018-ci il üçün layihə müsabiqəsi elan edilir.
Müsabiqə zamanı Qara dəniz və Xəzər dənizi regionlarının mədəniyyəti, iqtisadiyyatı və enerji təhlükəsizliyi sahələrini əhatə edən layihə təkliflərinə üstünlük veriləcəkdir.
Layihələr BEA-nın müvafiq elmi təşkilatlarından olan alimlərlə birlikdə ingilis dilində hazırlanmalıdır. Seçilən layihələr üçün ayrılmış maliyyə vəsaiti layihə çərçivəsində Bolqarıstana ezamiyyət xərclərini qarşılamaq üçün nəzərdə tutulur.
Layihə təklifləri 30 may 2017-ci il tarixindən 30 iyul 2017-ci il tarixinə qədər AMEA Rəyasət Heyəti aparatının Beynəlxalq əlaqələr idarəsi tərəfindən azərbaycan və ingilis dillərində qəbul edilir (kerimovaraya@gmail.com).
Ətraflı məlumat üçün AMEA Rəyasət Heyəti aparatının Beynəlxalq əlaqələr idarəsinin əməkdaşı Raifə Əhmədovaya (tel.: 0124926651, Email: kerimovaraya@gmail.com) müraciət edilə bilər.
Ərizə forması BURADAN eldə edilə bilər.