Azərbaycan Respublikası Elm və Təhsil Nazirliyi Genetik Ehtiyatlar İnstitutunda (GEİ) şöbə, laboratoriya və elmi-tədqiqat bazalarının cari il üzrə elmi fəaliyyəti ilə bağlı hesabatlarının müzakirəsi davam edir.

İclası giriş sözləri ilə açan Elmi Şuranın sədri, GEİ-nin baş direktoru, AMEA-nın müxbir üzvü Zeynal Əkpərov gündəlikdə olan məsələlər haqqında Şura üzvlərinə və iştirakçılara məlumat vermişdir. Gündəliyə uyğun olaraq institutun Dənli taxıl və paxlalı bitkilər, Ekobotanika və sistematika şöbələrinin və Rüşeym plazması laboratoriyasının illik hesabatları şöbə müdirləri b.ü.f.d. Xanbala Rüstəmli, b.ü.f.d. Kəmalə Əsədova və b.ü.f.d., dosent Sevinc Məmmədovanın təqdimatında dinlənilmişdir.

Hesabatlara dair müzakirələr edilmiş, verilmiş suallar cavablandırılmış və gələcək elmi tədqiqatların daha yüksək səviyyədə aparılması üçün tövsiyələr verilmişdir.

Sonda hesabatlar yekdilliklə qəbul edilmişdir.