AR ETN Genetik Ehtiyatlar İnstitutunun Saray Dayaq Məntəqəsində 21 may 2022-ci il tarixində “Şəhərsalma və Memarlıq İli” çərçivəsində “Subtropik bitkilərin və onların yabanı əcdadlarının genetik müxtəlifliyinin toplanması, bərpası, kolleksiyalarının yaradılması və səmərəli istifadəsi” mövzusunda tarla seminarı keçirilmişdir.

Seminarda “Şəhərsalma və Memarlıq İli” ilə əlaqədar şəhərsalma proseslərində yaşıllıq zonalarının genişləndirilməsi, ekoloji tarazlığın qorunması, landşaft memarlığında yerli və davamlı bitki genofondundan səmərəli istifadəsinin vacibliyi xüsusi vurğulanmışdır. Bildirilmişdir ki, şəhər və kənd mühitində yaşıllıqların artırılması, dekorativ və faydalı bitki növlərinin qorunaraq tətbiqi həm ekoloji təhlükəsizliyin təmin edilməsinə, həm də dayanıqlı şəhərsalma konsepsiyasının inkişafına mühüm töhfə verir.

Seminarda ən başlıcası Abşeronun quru subtropik iqliminə məxsus bitkilərin genetik müxtəlifliyinin toplanması, bərpası, mühafizəsi və bu sahədə aparılan elmi-tədqiqat işlərinin nəticələri nümayiş etdirilmişdir. Tədbirdə institutun əməkdaşları və mütəxəssislər tərəfindən müxtəlif mədəni bitkilərə aid nümunələr, onların yabanı əcdadları və seleksiya materialları haqda məlumat verilmişdir. Eyni zamanda bölgəyə aid genetik ehtiyatların toplanması, bərpası, səmərəli istifadəsi və gələcək nəsillər üçün qorunmasının vacibliyi barədə ətraflı məlumat verilmişdir.

Tədbir iştirakçıları tərəfindən biomüxtəlifliyin qorunmasının ölkənin ərzaq təhlükəsizliyi, ekoloji davamlılığı və kənd təsərrüfatının inkişafı baxımından strateji əhəmiyyət daşıdığı qeyd edilmiş, mövzu ətrafında geniş fikir mübadiləsi aparılmışdır.