Azərbaycan Respublikası Elm və Təhsil Nazirliyi Genetik Ehtiyatlar İnstitutunun Rüşeym plazması laboratoriyasının müdiri, b.ü.f.d., dosent Məmmədova Sevinc Əmir qızı Özbəkistan Respublikasının Daşkənd şəhərində ezamiyyətdə olmuşdur.

​O, 4 günlük ezamiyyət çərçivəsində Bitki Genetik Ehtiyatları Elmi-Tədqiqat İnstitutunda keçirilən “Davam edən iqlim dəyişikliyi şəraitində ərzaq təhlükəsizliyinə nail olmaq və təbii ehtiyatları qorumaq üçün aqrobiomüxtəlifliyin öyrənilməsi, qorunması və davamlı istifadəsi problemləri” adlı Beynəlxalq Elmi-praktik Konfransda iştirak etmişdir.

​S.Məmmədova Beynəlxalq Konfransda “Azərbaycan Milli Genbankında aqrofitomüxtəlifliyin öyrənilməsi və mühafizəsi” mövzusunda təqdimatla çıxış etmişdir.