AR Elm və Təhsil Nazirliyi Genetik Ehtiyatlar İnstitutunda 28 noyabr 2025-ci tarixində Mirzəyeva Arzu Rəfail qızının aqrar üzrə fəlsəfə doktoru elmi dərəcəsini almaq üçün təqdim etdiyi dissertasiya işinin BFD 3.21 Dissertasiya Şurasının iclasında müdafiəsi keçirilmişdir.

O, “Kənd təsərrüfatı heyvanlarının yetişdirilməsi, seleksiyası, genetikası və çoxaldılması” ixtisası üzrə “Genetik ehtiyatlardan, seleksion-genetik parametrlərdən və çarpazlaşdırma metodlarından istifadə etməklə təkrar yemləmələr üçün dözümlü tut ipəkqurdu cinslərinin yaradılması” mövzusunda dissertasiya işini iştirakçıların nəzərinə çatdırmışdır.

Rəsmi opponentlərin rəyləri dinlənildikdən sonra, tədbir iştirakçılarının sualları iddiaçı tərəfindən cavablandırılmışdır.

Gizli səsvermənin nəticələrinə əsasən, Arzu Mirzəyevaya aqrar üzrə fəlsəfə doktoru elmi dərəcəsi verilməsi ilə əlaqədar AR Prezidenti yanında Ali Attestasiya Komissiyası (AAK) qarşısında vəsatət qaldırılması barədə qərar qəbul edilmişdir.